Түргэвчилсэн магадлан шинжилгээ

Короновируст цар тахлаас үүдэлтэй дэлхий нийтийг хамарсан нийгэм эдийн засгийн хямрал нь тэгш бус байдал, улс төрийн тогтворгүй байдал, экологийн эмзэгшил зэрэг олон сөрөг нөлөөг бий болгож байна. Ялангуяа энэхүү нөлөө нь эрүүл мэндийн эрсдлээс өөрийгөө хамгаалах, эмнэлгийн тусламж үйлчилгээ авах боломж муутай, зайлшгүй шаардлагатай эд зүйлсээ худалдан авах төлбөрийн чадваргүй эмзэг болон хязгаарлагдмал бүлэгт хүндээр тусч байна. Үүний зэрэгцээ ажил олгогчид ч мөн адил захиалга цуцлагдах, түүхий эд хомстох, халдвар тархах зэрэг олон эрсдлийг сөрөн ажлын байраа хэвээр хадгалж үлдэхийн тулд маш их сорилт бэрхшээлтэй тулгарч байна.